Nga 02 deri 04 Tetorë 2009 në Rijekë të Kroacisë me ftesë të Kryetarit të Bashkësisë Islame të Kroacisë, h. Shefko ef. Omerbashiç ishte për vizitë delegacioni i BFI në krye me Reis ul Ulemanë H. Sulejman ef. Rexhepi.
Më 03.10.2009 u hodhë gurthemel për ndërtimin e Qendrës Islame në qytetin e Rijekës, në këtë solemnitet morrën pjesë mbi 7000 vizitorë, rreth 350 personalitete, në mesin e të cilëve Kryetari i R. së Kroacisë, z. Stipe Mesiç, Ministri i Kulturës së Kroacisë, Prefekti i Rijekës dhe Zagrebit, Ministri i Vakufit të Katarit, Aimad Abdulla Al-Marri, Kryetari i BFI, Reis ul Ulema, Haxhi Sulejman ef. Rexhepi i shoqëruar nga Sekretari i Përgjithshëm i BFI, Afrim ef. Tahiri dhe H. Jakup Selimovski.
Gjithashtu vlenë theksohet se në këtë ceremoni gurthemeli kishte të pranishëm hoxhallarë nga Kroacia, Kryetari i Bashkësisë Islame të Bosnës dhe Hercegovinës, Mustafa Ceriç, teolog nga Sllovenija, Mali i Zi, Myftiu i Kosovës, Naim ef. Tërnava, politikan, intelektual si dhe qytetarë të shumtë. Gurthemelin e kësaj Qendre Islame e filloi Ministri i Vakufit të Katarit, Aimad Abdulla Al-Marri.
Me këtë rast Reis ul Ulema i BFI , H. Sulejman ef. Rexhepi vizitoi xhematet tona në Kroaci atë të Rijekës pastaj edhe të Zagrebit. Gjatë takimit të tyre Reis ul Ulema i njoftoi hollësisht për veprimtarinë e BFI, aktivitetet e këtij institucioni, thellimi i bashkëpunimit me Qendrat Islame në Diasporë duke filluar nga ato në Europë, Amerikë e deri tek ata në Kanada dhe Australi.
| < Prev |
|---|